 |
| MIUI Dialer vs HyperOS 3 Dialer – Naye update ke baad UI ka fresh aur modern look Redmi, Xiaomi aur Poco phones me. |
Agar aap ek Xiaomi, Redmi ya Poco smartphone use karte ho to aapke liye ek interesting update aaya hai. HyperOS 3 ke saath ek New Dialer App update release hua hai jo design aur look dono me kaafi alag hai. Main khud isse install karke use kar raha hoon aur honestly bolun to mujhe kaafi pasand aaya.
Iss article me main aapko bataunga ki is new dialer me kya-kya changes hain, isse kaise install karna hai, agar pasand na aaye to kaise uninstall karna hai, aur sabse important – kya aapko ise install karna chahiye ya nahi.
👉 “Agar aap jaana chahte ho ki HyperOS 3 kon-kon devices ko mila hai aur kisko abhi milna baaki hai, to is detailed list ko check karein HyperOS 3 Eligible Devices
🔥 HyperOS 3 Dialer Update – Kya Naya Mila?
 |
| MIUI Dialer (left) vs HyperOS 3 Dialer (right) – Before & After UI comparison. |
- Sabse pehli baat jo aapko noticeable lagegi wo hai Bade Icons.
- Purane MIUI Dialer me chhote icons hote the jo utne attractive nahi lagte the
- Naye HyperOS 3 Dialer me bold aur large icons diye gaye hain jo kaafi iOS-type feel dete hain.
- User interface (UI) clean aur modern ho gaya hai.
- Contacts aur calling screen dono hi fresh aur eye-catching lagte hain.
Ye update un users ke liye best hai jo MIUI dialer ki purani boring design se bore ho gaye the aur kuch fresh look chahte hain.
📲 Installation Process (Bahut Easy Hai)
Iss app ko install karna bilkul simple hai. Aapko bas ek APK file download karni hai aur install karna hai.
Ye APK aap kisi bhi Redmi, Xiaomi ya Poco phone me install kar sakte ho.
APK ka direct link maine apne Telegram channel par diya hai.
Wahan se aap safe tarike se file download kar sakte ho.
File install karne ke baad aapke phone ka default dialer automatically update ho jayega.
👉 Waise agar aap confused ho ki aapke phone ko HyperOS 3 update officially milega ya nahi, to is list me jaake confirm kar sakte ho: [HyperOS 3 Device List]
👉 Telegram ka link is post me niche diya hua hai.
Agar Pasand Na Aaye To Kya Karein?
Ho sakta hai ki aapko naya dialer UI pasand na aaye. Is case me aap easily apne purane dialer par wapas aa sakte ho.
Steps simple hain:
1. Apne phone ki Settings open karo.
2. Apps → Manage Apps → Phone App par jao.
3. Wahan aapko option milega Uninstall Updates.
4. Jaisi hi aap update uninstall karoge, aapka purana MIUI dialer wapas aa jayega.
Google Dialer Users ke liye Note
Dhyaan rahe, ye update sirf unhi phones me kaam karega jahan MIUI dialer already installed hai.
Agar aapke phone me default dialer Google wala hai (jaise stock Android phones me hota hai), to ye app kaam nahi karega.
HyperOS 3 Icon Pack
Main aapko jald hi ek alag post me HyperOS 3 Icon Pack ke bare me batane wala hoon. Usme aapko detail me samjhaunga ki icon pack kaise kaam karta hai aur kaise aap apne phone ki puri look change kar sakte ho.
🤔 Kya Install Karna Chahiye Ya Nahi?
Ab sawal ye uthta hai ki kya aapko ye update install karna chahiye?
Maine khud install karke use kiya hai aur mujhe honestly kaafi acha laga. Icons bade hone ki wajah se calling experience zyada smooth aur attractive ho gaya hai. Agar aap naya UI try karna chahte ho to definitely ek baar install karke dekhna chahiye.
Aur agar pasand na aaye to simple uninstall updates karke apne purane dialer pe wapas aa jao. Matlab no risk hai.
Video Explanation
Mainne is update ka detailed explanation apne YouTube channel – Technical Ravi Official par bhi diya hai.
👉 Aap wahan video dekhkar live demo aur comparison dekh sakte ho.
Conclusion
HyperOS 3 ka naya dialer update ek chhota lekin noticeable change hai jo aapke phone ko ek fresh look deta hai. Bade icons, iOS-type UI aur simple installation isse ek must-try banata hai.
- Ye update aap kisi bhi Redmi, Xiaomi aur Poco phone me install kar sakte ho.
- Agar aap MIUI dialer user ho to definitely ise try karo.
- Agar Google dialer hai to ye kaam nahi karega.
- Install karne ke liye APK link niche diya hai (Telegram par available hai).
👉 Personally mujhe ye update pasand aaya aur main ise recommend karta hoon.
👉 Aur agar aapko jaana hai ki aapke Redmi/Xiaomi/Poco phone ko HyperOS 3 update already mila hai ya abhi aana baaki hai, to is article ko zaroor padhein: [HyperOS 3 Update Devices List].”
Download Link Telegram: [Yahan Click Karein]
Mera YouTube Video Dekhne ke liye: [Technical Ravi Official YouTube]
0 Comments